ONGI ETORRI!

Finlandiarrok eta euskaldunok berezko hurbiltasuna eta begikotasuna sentitzen dugu elkarrekiko. Bi kultura eta hizkuntza hauen parekotasunetik eta bi herriotako biztanleon izaera zintzo eta nekaezinetik datorrela uste dugu.

Badakigu herri txikiak eta bereziak garela; izan ere, ondotxo dakigu nola babestu behar ditugun mintzaira eta kultura txiki eta ezezagunok handien itzalean. Oso bikote bitxia osatzen dugu. Eta hain zuzen ere, bi herrion arteko adiskidetasuna eta elkartasuna bultzatzeko sortu zen Euskal Herrian Suomitar izeneko kultur elkartea.

AZKEN BERRIAK

Hiztegiaren bertsio berria Durangoko azokarako

hiztegi_berria_2

Duela hiru urte (2012an) argitaratu genuen lehen bertsioa, eta orain, bigarren edizioa kaleratu dugu. Aurrekoan hainbat zuzenketa egiteaz gain, hitz berriak erantsi ditugu. Guztira 9.000 hitz inguru ditu orain hiztegiak.

2015eko Durangoko Azokan jarri dugu salgai, eta, hortik aurrera, ohiko saltokietan eta Suomitar elkartearen bitartez eskuratu ahal izango da.